Скопје, 8 декември  2010 год.-Соборен храм на св. Климент Охридски

 На  08. 12.2010 година,  по повод патрониот празник и основоположникот на Македонска Православна Црква и  на нашата писменост - свети Климент Охридски Чудотворец, во соборниот храм во Скопје, кој го носи името на светитлот, Неговото Блаженство Архиепископот Охридски и Македонски г.г. Стефан  во сослужение  со   Митрополитот Повардарски г. Агатангел, Митрополитот Европски г. Пимен, Митрополитот  Горазд,  и  свештенството на храмот и Скопската епархија отслужи Божествена Литургија. На  Литургија присуствуваа  и министерот за образование и наука, г. Никола Тодоров и  директорката на Комисијата за односи со верските заедници и религиозни групи во Р.Македонија, г-ѓа Валентина Божиновска.  Многубројниот верен народ на Божествената Литургијата се причести со Светите Христови Тајни.

По завршувањето на Литургијата,  во близина на Соборниот храм, а  на почетокот на булеварот што го носи  неговото име,  беше откриен и осветен споменик со ликот на св. Климент Охридски - просветител и првиот словенски  епископ. Скулпторот Томе Серафимовски е автор на спомен-обележјето на светителот, еден од најпознатите ученици на св. Кирил и Методиј, чија просветителска мисија ја продолжил на овие простори создавајќи ја Охридската книжевна школа. Статуата е изработена од бронза и е висока околу 4,70 метри.

 Преминпортал

Лето Господово 2010

Фото:

Ппреминпортал

Марјан Николовски

Друго:

 Осветен споменикот на св. Климент Охридски во Скопје