логоFacebookTwitterYouTubeeMail

 

ПРАЗНИК НА ИКОНАТА НА ПРЕСВЕТА БОГОРОДИЦА „РАДОСТ НА СИТЕ НАЖАЛЕНИ’’ (06.11)

Иконата „Радост на сите нажалени’’ се чествува на 06. 11 по повод чудесното исцеление на Ефимија, сестра на патријархот Јоаким, коешто се случи во 1668 година во Москва. Ефимија имаше тешка рана на колкот, па бидејќи лекарите не можеа да ја излечат, таа падна да се моли со плач на Пресвета Богородица. И слушна глас: „Ефимија, оди во храмот на Преображението на Мојот Син; таму е иконата „Радост на сите нажалени“. Свештеникот нека се помоли пред таа икона и ќе оздравиш.“ Ефимија направи така и веднаш стана наполно здрава.


ТРОПАРИ НА БОЖЈАТА МАЈКА ПРЕД ИКОНАТА „РАДОСТ НА СИТЕ НАЖАЛЕНИ’’


глас 4

Кон Богордица сега внимателно притекнуваме,/ грешни и смирени приоѓаме,/ во покајание повикуваме од длабочината на душата:/ Владичице, помогни ни милостиво,/ загинуваме од мноштвото гревови,/ не одвраќај ги Твоите слуги,// На Тебе единствена надеж имаме.

глас 4
Нема да замолчиме никогаш, Богородице,/ за силата Твоја ние недостојни да говориме:/ ако Ти не би застанала молејќи се,/ кој нас би не избавил од толкави страдања,/ кој би не сочувал до сега слободни?/ Нема да отстапиме, Владичице од Тебе,// Твоите слуги ги спасуваш секогаш од сите зла.


КОНДАК НА БОЖЈАТА МАЈКА ПРЕД ИКОНАТА „РАДОСТ НА СИТЕ НАЖАЛЕНИ’’

глас 6


Немаме друга помош,/ немаме друга надеж,/ само Тебе, Владичице,/ Ти помогни ни:/ на Тебе се надеваме/ и со Тебе се фаиме,/ Твои сме слуги,// да не се посрамиме.


СТИХИРА ПЕЕНА НАМЕСТО ТРОПАР


глас 2
На сите нажалени Радост,/ и Посредничка на навредените,/ и на гладните Снабдителка,/ на зачудените утеха,/ на оние во бура пристаниште,/ на болните посета,/ на слабите покров и Посредничка,/ потпирач на старите,/ о, Пречиста, Ти Мајко на Вишниот Бог:// побрзај, Те молиме, спаси ги слугите Твои.


МОЛИТВА ПРЕД ЧУДОТВОРНАТА ИКОНА ,,РАДОСТ НА СИТЕ НАЖАЛЕНИ":

 

O ,Пресвета Владичице Богородице, Преблагословена Мајко на Христа Бога,Спасителот наш, на сите жалосни Радост, Посетителко на болните, Покровителко и Заштитнице на немоќните, Покровителко на вдовиците и сираците, надежна Утешителко на мајките во неволја, сило на немоќните младенчиња и секогаш спремна Помошничке и сигурно прибежиште на сите беспомошни! На Тебе, о Семилостива, од Севишниот Ти е дадена благодат сите да ги штитиш и да ги избавуваш од неволји и болести, бидејќи и Самата си претрпела голема неволја и болка, гледајќи го доброволното страдање на Својот сакан Син и гледајќи Го распнат на Крстот, кога Твоето срце беше како прободено со меч, како што Симеон прорече. Затоа, о, чедољубива Мајко, слушни го гласот на молењето наше, утеши не’ нас кои сме во неволји, како надежна Посредница со радоста: стоејќи пред Престолот на Пресветата Троица, од десната страна на Својот Син, Христос нашиот Бог, можеш,ако сакаш, да измолиш се’ она што ни е за наша корист.

Поради тоа, со искрена вера и љубов во душата, припаѓам пред Тебе Царице и Владичице и се осудувам како псалмопевецот да Ти воскликнувам: слушни ја ќерката и види и приклони го увото Твое, услишај го нашето молење и избави не’ од неволјите и бедите кои не’ напаѓаат, бидејќи , Ти ги исполнуваш молитвите на сите верни, зашто си Радост за натажените и на нивните души мир и им даваш утеха. Еве ја гледаш нашата беда и неволја:покажи ни ја Својата милост, испрати утеха на нашите срца,ранети со тага, покажи ни го на нас грешните чудесното богатство на Своето милосрдие, дај ни солзи на покајание заради очистување на гревовите и стивнување на гневот Божји, па со чисто срце, добра совест и со надеж без сомнеж, да прибегнеме кон Твоето застапништво и заштита.

Прими го, Семилостива наша Владичице Богородице, нашето усрдно молење кое Ти го принесуваме и не’ не отфрлај нас недостојните од Своето милосрдие, туку дај ни избавување од неволји и болести, заштити не’ од секаков напад на непријателот и човечка клевета, биди ни помошничка во сите денови на нашиот живот, секогаш да останеме здрави под Твојот мајчински покров и чувани со Твојата заштита и молитвите на Твојот Син,Спасиелот и Бог наш, на Кого Му прилега секоја слава, чест и поклонение, со Неговиот Беспочетен Отец и Сесветиот Благиот и Животворен Дух, сега , секогаш и во сите векови. Амин!

 

 Извор:

https://days.pravoslavie.ru/name/2824.html

 

 

Подготви: Снежана Корнет

6-ти ноември 2018 лето Господово

 

Друго:

 

http://preminportal.com.mk/prebaraj?searchword=%D1%81%D0%BD%D0%B5%D0%B6%D0%B0%D0%BD%D0%B0%20%D0%9A%D0%BE%D1%80%D0%BD%D0%B5%D1%82&ordering=newest&searchphrase=all

 

 

 

 

 



Видео содржини

Поуки од Светите Отци

dobrotoljubie

Наука и Култура

Август 27, 2020
TVITer21

Информација за победниците на конкурсите за млад и зрел уметник

Процесот на селекција се одвиваше по принцип на оценување на предложените апликации од страна на комисијата, по што беа сумирани резултатите и беше дискутиран финалниот избор. Комисијата имаше мошне слични ставови во изборот. За победници на конкурсот за млад…
Мај 10, 2020
3.angeli.so.truba

Емануел Рембер: Читањето е убава мрзеливост и вистински лек

-Чудно е тоа што изолацијата ја доживувам како миг во кој сè е замрзнато. Секако дека сè уште пишувам дневник. Но, во суштина малку пишувам. По неколку реченици на врвот од изолацијата. Ме обзема некое нерасположение. Оваа нова состојба ме води кон некоја…

„Ако има волја има и начин“ – Џорџ Бернард Шо

Апр 29, 2020 Литература 626
3.angeli.so.truba
Бидете секогаш чисти. Бидејќи вие сте прозорот низ кој го гледате светот. Демократијата е…

Вангел Наумовски уметник кого Салвадор Дали го нарече „сликар од бајките“

Апр 06, 2020 Ликовна уметност 589
3.angeli.so.truba
Со името на охридскиот сликар Вангел Наумовски (22. 3. 1924, Охрид – 13. 6.2006, Охрид),…

Мала Историја на Христијанството и на Светот

Јан 12, 2020 Друго од култура 1117
Mudreci.pustina1
Св Јован Крстител е дете на Првосвештеникот Захарије и Елисавета. Захарие веднаш беше…