логоFacebook  Twitter  YouTube  eMail

Кожувчанка

 

 

Божикно послание на Архиепископот Охридски и Македонски
† СТЕФАН
ПО МИЛОСТА БОЖЈА
АРХИЕПИСКОП ОХРИДСКИ И МАКЕДОНСКИ,
ЗАЕДНО СО СВЕТИОТ АРХИЕРЕЈСКИ СИНОД,
ПО ПОВОД БОЖИКНИТЕ ПРАЗНУВАЊА,
ДО СВЕШТЕНОСЛУЖИТЕЛИТЕ,
МОНАШТВОТО И ДО СИТЕ ЧЕДА НА
МАКЕДОНСКАТА ПРАВОСЛАВНА ЦРКВА
ИСПРАЌА МИР И БЛАГОСЛОВ ОД БОГА,
ПОЗДРАВУВАЈЌИ ГИ СО ВЕЛИЧЕНСТВЕНИОТ И
ТОРЖЕСТВЕН ПОЗДРАВ
ХРИСТОС СЕ РОДИ!

Еве, ви соопштувам голема радост,
која ќе биде за сите луѓе;
зашто денеска, во градот Давидов,
ни се роди Спасител, Кој е Христос Господ...[1]

Возљубени празникољупци,

Дојдете да се возрадуваме и да воскликнеме пред витлеемскиот Богомладенец! Пријдете, со радост и восхит

да извикаме: Слава на Бога во височините, а на земјата мир и меѓу луѓето добра волја![2]

Оној, Кој предвечно постои, се роди кога се исполни времето.[3] Бог ја прими нашата плот, нашето човечко тело, за да го возобнови и исчисти од гревот нашиот извалкан образ и, како созданија подложни на смртта – да нè обесмрти. На овој ден, Синот Божји воспостави нова заедница со целото човештво. Бог стана човек – се вочовечи, за човекот да го соедини со Себеси.

Во градот Витлеем, длабоко во ноќната тишина, Словото Божјо – Богочовекот Христос, дојде на земјата – се облече во нашето тело, сакајќи да го обожи со Своето Божество, објаснува свети Климент Охридски. На ист начин Синот Божји постојано се раѓа и во нашите души – онаму каде што замолкнува разумот, таму каде што единствено е присутна молитвата и каде што умот е исправен пред Бога. Господ Христос, очекуваниот Миротворец[4], се роди на земјата како незнаен и непознат, и само мудреците, пастирите и ангелите дојдоа да Го пресретнат во витлеемските јасли. Па да им се придружиме и ние на тие први поклоници и дарители пред Богодетето, како и на сите праведници и луѓе со добра волја, славејќи Го и фалејќи Го Бога за сè што е чуено и видено[5], зашто голема е тајната на побожноста – Бог се јави во плот..., им беше проповедан на народите и светот Му поверува[6]

Возљубени чеда во витлеемскиот Богомладенец

Преку воплотувањето и вочовечувањето, Синот Божји – ветеното спасение на сите луѓе[7], од Невидлив стана Видлив и се смести во Своето создание[8], се облече во нашето тело за да го обнови човечкиот лик изветвен од гревот[9], како што поучува свети Климент Охридски. Тој спасоносен настан направи за нас луѓето повеќе да не постојат пречки за средба и единство со Седржителот и Создателот на сè. Преку Христовото рождество се урна преградата помеѓу созданието и Бога, која беше подигната поради човековиот грев; вратите на Рајот се отворија и човекот се врати при Дрвото на животот од коешто ќе може вечно да се храни со Небесниот Леб.

Семилостивиот Бог, според Својата бесконечна добрина и неизмерна љубов, од Своите созданија прави благодатни учесници во Својата слава, изобилно дарувајќи ги со Своите бесконечни совршенства. Тој ни подари сè што е потребно за живот, та да може нашата немоќ да биде исполнета со силата Божја, нашата неправда да биде исправена со вистината Божја и нашето незнаење да биде просветлено со светлината Божја. Господ Христос, Спасителот на светот, е во нас и меѓу нас! Ете, Тој е славната Тајна на денешниот ден! Затоа, слава Ти Господи што ни го даде овој ден за прославување, за благодарност и за радост! Слава во височините на Бога, слава на Неговото неискажливо милосрдие, слава на Неговата бескрајна премудрост, слава на Неговата промисла! Слава на Неговото големо човекољубие!

Возљубени чеда на нашата Светиклиментова Црква,

Да Го молиме Семилостивиот Бог да нè удостои во претстојното 2016-то лето Господово, и овде во Татковината и меѓу Македонците по светот, достојно да ги одбележиме 1100-те години од упокоението на најголемиот македонски духовен великан – свети Климент Охридски, просветителот, чудотворецот и основоположникот на славната Охридска Архиепископија – патронот и закрилникот на нашата Македонска православна црква. Во оваа светиклиментова година, добро е да се потсетиме на великите дела, на огромното духовно наследство оставено од овој наш небесен покровител, па преку личен подвиг да го следиме неговиот пример.

Свети Климент трудољубиво и предано работеше на македонската духовна почва и закрилувајќи се со Христа – Светлината на светот, ги растеруваше темнината и мракот на незнаењето и неверието меѓу нашиот народ. Тој правилно ја разбираше силата на Божјата благодат и духовната светлина, која просветува и осветува, па затоа преку поука и личен пример ја утврдуваше добродетелта во срцата на доверениот му народ. Вооружен со силата на евангелската поука, многумина доведе до богопознание, ја искорени грубоста на мислата и го облагороди карактерот на личноста. Него, како учител, покрај другите добродетели, го красеа љубовта, молитвата, смирението и трудољубието. Преку својата пастирска дејност, вршејќи евангелско дело, македонскиот род го преобрази во свет народ, па затоа од Бога беше удостоен со апостолска благодат и рамноапостолско достоинство.

Во претстојната година, исто така, ќе се одбележува и 1000-годишнината од упокоението на свети Јован Владимир, кој маченички пострадал во Преспа. Житието на овој сведок за верата е силна поука за тоа колку можат да бидат уништувачки себељубието, предавството, братоубиствената војна, борбата за овоземна власт и слава, раздорите и слугувањето на туѓи интереси, како и сведоштво за тоа колку живее споменот на праведниците.

Возљубени чеда во Господа,

Подучени од светите богоугодници, да Го молиме Господа нашите срца да станат плодни ниви на добродетелта, па во секој од нас да потече извор на мир и братска љубов. Господ Христос е нашата моќ, нашата помош, нашата утеха, нашата радост и нашата надеж. Тој, како Човекољубец, со благодатната сила на Својата правда, нека ја поткрепува нашата Света Црква за да истраеме по патот на вистината, да го заштитува нашиот боговерен народ и со Својот Свет Дух да ја ороси нашата македонска земја. Да ги запре омразата, поделбите и меѓусебните непријателства. Да нè умудри сите заедно вдахновено да работиме за добробитот и напредокот на нашиот народ. Да ги исполни нашите домови со љубов и изобилна радост. Да ги земе под закрила нашите училишта, да ги просвети со спасоносната светлина благочестивите учители, наставници и раководители. Да ги благослови со Своите добрини нашите ученици и младината, зашто тие се утрешниот разум и совеста на Татковината. Домовите на сиромасите да ги поткрепи и исполни со вера и трпение, а на богатите да им подари сила за чинење на добродетели и милосрдие. Милостивиот Господ да биде покрај постелата на болните, да ги заштити вдовиците и сираците и на сите ним да им подари вера и блажена утеха. Во Господа е нашата радост, нашата љубов и нашиот живот. Затоа, Нему Му се молиме да ги чува нашата Светиклиментова Црква, слободата и независноста на нашата Татковина.

Светлината на витлеемска ѕвезда нека ни го осветлува патот кон духовното совршенство, та исполнети со благодарност и во мир да воскликнеме со целото свое битие: „Радувај се Вселено – Христос се роди!“ Амин!

ХРИСТОС СЕ РОДИ!


ЧЕСТИТО И БЛАГОСЛОВЕНО
НОВОТО ЛЕТО ГОСПОДОВО!
АРХИЕПИСКОП
ОХРИДСКИ И МАКЕДОНСКИ
†СТЕФАН
со членовите на Светиот архиерејски синод на Македонската православна црква
† ПЕТАР, Митрополит Преспанско – пелагониски и администратор Австралиско – новозеландски
† ТИМОТЕЈ, Митрополит Дебарско – кичевски
† НАУМ, Митрополит Струмички
† АГАТАНГЕЛ, Митрополит Повардарски
† МЕТОДИЈ, Митрополит Американско – канадски
† ПИМЕН, Митрополит Европски
† ИЛАРИОН, Митрополит Брегалнички
† ЈОСИФ, Митрополит Тетовско – гостиварски
† ЈОСИФ, Митрополит Кумановско – осоговски
† ГОРАЗД, поранешен Митрополит Европски
† КЛИМЕНТ, Епископ Хераклејски

На Божик, 2016 Лето Господово
[1] Лк 2, 10-11
[2] Лк 2, 14
[3] Гал 4, 4
[4] 1 Мојс 49, 10
[5] сп. Лк 2, 20
[6] 1 Тим 3, 16
[7] Авак 3, 13
[8] Св. Климент Охридски, Поучно слово за раѓањето на Господ Исус Христос
[9] Св. Климент Охридски, Слово за Рождество Христово



dobrotoljubie

Поуки од Светите Отци

Видео содржини

dobrotoljubie

Беседи

АРХИВА: Митрополит Струмички Наум: Недела на Светите отци на Првиот Вселенски собор (12.06.2021)

АРХИВА: Митрополит Струмички Наум: Недела на Светите отци на Првиот Вселенски собор (12.06.2021)

Да разбереш, односно да сфатиш – во духовно православна смисла, го означува просветлувањето на умот – со дарот на умно-срдечната молитва. Оти, какво е тоа сфаќање и разбирање без просветленост...

БEСEДА  какo мудрoста сe јавува насeкадe

БEСEДА какo мудрoста сe јавува насeкадe

Нo Прeмудрoста Бoжја e најгласна и најјасна вo лицeтo на самиoт Гoспoд Исус Христoс. Вo лицeтo на Гoспoда Исуса Христа прeмудрoста Бoжја сe јавила вo тeлo и сe пoкажала на...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

АРХИВА- Митрополит Струмички Наум: Недела на слепиот (23.05.2020)

АРХИВА- Митрополит Струмички Наум: Недела на слепиот (23.05.2020)

Бог е праведен. Сепак, на оние кои се одрекле од светот и световните работи им ветил стократно повеќе уште во овој живот, а плус и Царство Небесно: „Вистина ви велам:...

АРХИВА- Александар Несторовски: НЕДЕЛА НА САМАРЈАНКАТА 14.05.2023

АРХИВА- Александар Несторовски: НЕДЕЛА НА САМАРЈАНКАТА 14.05.2023

Својата Вода, или Живата вода, за која говори Господ Исус Христос, во разговорот со Самарјанката, е всушност Неговото спасително учење кое постојано, непрекинато ни го дава низ вековите, па и...

Митрополит Струмички Наум: Недела на Самарјанката (29.05.2021)

Митрополит Струмички Наум: Недела на Самарјанката (29.05.2021)

Благодатта на Светиот Дух Господ, од часот на нашето Крштение се наоѓа внатре во нашето срце. Но, не е доволно само да сме крстени во Црквата, па да се подразбира...

 Митрополит Струмички Наум: Неделата на раслабениот (22.05.2021)

Митрополит Струмички Наум: Неделата на раслабениот (22.05.2021)

За симболиката на крајот на Новиот Завет ни говори Апостолот Павле: „во последните денови ќе настанат времиња тешки. Зашто луѓето ќе станат среброљупци, горди, хулители, неблагодарни, неправедни, непомирливи, клеветници, невоздржливи,...

Жарко Ѓоргиевски:19. мај 2024 година - Свети праведен и многустрадален Јов

Жарко Ѓоргиевски:19. мај 2024 година - Свети праведен и многустрадален Јов

Најхрабри и со најцврста вера биле токму овие жени мироносици кои тргнале до крај да ги испочитуваат обичаите кои владееле во тоа време. Затоа тие и станале првенци на апостолството...

« »

Православен календар

 

17/06/2024 - понеделник

Свети Митрофан, првиот патријарх Цариградски; Светиот маченик Конкордиј; Светите маченици Фронтасиј , Северин, Северијан и Силан; Преподобен Зосим, епископ на Нов Вавилон, град мисирски.; Светиот свештеномаченик Астиј, епископ Драчки; Светите сестри Марта и Марија;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на св. мч-ци Христови Лукилијан, Клавдиј, Ипатиј, Павле, Дионисиј и Павла 3 јуни / 16 јуни 2024

Тропар на св. мч-ци Христови Лукилијан, Клавдиј, Ипатиј, Павле, Дионисиј и Павла 3 јуни / 16 јуни 2024

Како на орел што се обновува младоста негова,така верата во светиот Лукилијан обнови сила духовна, заточен со светите младенци Клавдиј,...

Тропар на светиот Христов свештеномаченик Еразмо Охридски 2 јуни / 15 јуни 2024

Тропар на светиот Христов свештеномаченик Еразмо Охридски 2 јуни / 15 јуни 2024

Мудри, твојот преподобен живот го измина, украсувајќи се со светол хитон свештенички.Пролевајќи ја крвта своја маченичка,си се удостоил со вечна...

Тропар на св.маченик Христов Јустин Философ 1 јуни / 14 јуни 2024

Тропар на св.маченик Христов Јустин Философ 1 јуни / 14 јуни 2024

Како птица која го прелетува морето,така ти Јустине свети ја надмина мудроста на овој свет,дознавајќи дека вистинско спознание се добива...

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная