логоFacebookTwitterYouTubeeMail

 ТРОПАРИ НА СВЕТИТЕЛИТЕ И ПРАЗНИЦИТЕ

 

Тропар на чудотворната Икона
на Божјата Мајка
наречена Капина Несогорлива
4 септември / 17 септември

Владичице Пресвета, молитвеничке Непрестана,  Неосквернета Агнице, достојнославна Мајко на Несместливиот Оган Вечен, како Несогорлива
Мојсеј те препозна, како неугаслив
пламен молитвен пред Синот Твој
те чествуваме, и пред Иконата света Твоја
се молиме непрестано, незапирливо,
да долеваш пламен ревносен
во срцето наше, кој страстите ги согорува
 и пред Христа нѐ приведува.

 
Извор МПЦ – ОА
Манастир свети Јован Претеча Слепче

Тропар на светиот
Божји пророк
Мојсеј Боговидец
4 септември / 17 септември

Од Капината Која гори и не согорува,
Господ нашиот Бог во славни дела Негови те приведе
и дарови подари за спасение на народ Негов да послужат,
о, Мојсее Божји пророче.
Те закити благодатно Седржителот
и на секој збор твој се јави Милостивиот,
за да не се исмее силата Негова во тебе.
Затоа пред Него застапи нѐ Боговидче,
кој времето ќе го објавиш при Неговото второ пришествие.



 
Извор МПЦ – ОА
Манастир свети Јован Претеча Слепче

 

 


Тропар на светата
Христова маченичка
Ермиона
4 септември / 17 септември

Блажена си ти Ермионо света маченичке,
за која Христос испрати ангели чувари,
и не само што ногата од камен не ја сопна,
туку мноштво чудеса Господ сотвори
за поука на многумина, кои не се со тврди срца.
Молитвено душа во рацете Христови предавајќи,
моли се за нас агнице света
да се спасат нашите души.

 
*ќерка на св. апостол Филип


Извор МПЦ – ОА
Манастир свети Јован Претеча Слепче

Тропар на преподобниот отец
Антим слепи Кефалониски
4 септември / 17 септември

Светлината од овој свет која е
само предзнак на вистинската светлина,
отстапи пред благодатта ти подарена,
за да духовен поглед добиеш
во слава Господова, Кој патешествие
земно и дела достојнославни подари
на ликот твој светол, о, Антиме преподобен оче наш.
Ти кој на Бога послужи, и за нас
место припреми во небесните живеалишта.


 
Извор МПЦ – ОА
Манастир свети Јован Претеча Слепче


Тропар на светите
Христови маченици
Татуил и Вавеја
4 септември / 17 септември

Сродници по тело, духовни близнаци станавте,
закитувајќи се со венци маченички,
о, Татуиле и Вавејо, кои собеседници на ангелите постанавте Бога прославувајќи Го во страдањата свои.
Молете се сега Владиката да дарува милост голема
на оние кои го чествуваат споменот свет ваш.

 
Извор МПЦ – ОА
Манастир свети Јован Претеча Слепче




Тропар на светите Христови маченици
Маркел и Касиан
4 септември / 17 септември

Осветувајќи се од верата која спасува
патот го исправивте, горите ги израмнивте
и душите за Христа ги обручивте,
засакувајќи ја вистината која
води во живот вечен, о, Маркеле и Касиане.
Како војници непоколебливи
пред Господа молете се да се удостоиме
на небесната татковина.



 
Извор МПЦ – ОА
Манастир свети Јован Претеча Слепче



Тропар на светиот
Христов маченик
Вавил Никомидиски
и со него осумдесет и четири
деца ученици
4 септември / 17 септември

Радувај се учителу на верата Христова,
радувај се старче кое бројното потомство
го виде со венци украсено, о Вавило свети страдалниче,
кој патот го изоде заедно со осумдесет и четири ѕвезди
до Христа и градината небесна,
од каде за нас моли се ти
и оние кои ти ги даде Господ.



 
Извор МПЦ – ОА
Манастир свети Јован Претеча Слепче


Тропар на светите
Христови маченици
Теодор, Амион, Јулијан и Кион
4 септември / 17 септември

Силната ви вера о, свети маченици Христови
со благодат ве напои и вие
Теодоре, Амионе, Јулијане и Кионе
дозволивте тела да бидат предадени
на пустошење пред светот паднат.
Но Оној Кој и влакната на главата ви ги изброи
на небесна веселба ве прими,
од каде сега за нас молете се вие
непоколебливи воини на вистината.

 


Извор МПЦ – ОА
Манастир Св. Јован Претеча Слепче

Од Верскиот календар на МПЦ (17.09.2021)

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на апокалиптик (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2021 лето Господово

 Од Верскиот календар:

 Свeшт.мч. Антим. Рoдeн e вo Никoмидија и oд дeтствoтo вoспитан какo вистински христијанин. “Тeлoтo нeгoвo билo умртвeнo, духoт смирeн, зависта искoрeнeта, гнeвoт скрoтeн, мрзливoста изгoнeта;… имал љубoв кoн ситe, мир сo ситe; благoразумнoст мeѓу луѓeтo, рeвнoст кoн славата Бoжја, пoзната на ситe”. Нe e чудo штo чoвeкoт сo такви дoбрoдeтeли бeшe пoставeн за eпискoп. Св. Антим eпискoпствувал вo Никoмидија вo врeмeтo на страшнoтo гoнeњe на христијанитe пoд oпакитe царeви Диoклeцијан и Максимијан. Oсoбeнo вo Никoмидија сe прoлeвала христијанската крв сo пoтoци. Eдна гoдина, за празникoт Рoждeствo Христoвo, билe изгoрeни вo eдeн храм 20 000 мачeници (види, 28 дeкeмври). Тoа сe случилo вo врeмeтo на Антимoвoтo архијeрeјствo. Нo гoнeњeтo сo тoа нe сe завршилo туку сe прoдoлжилo и мнoгумина христијани билe фрлeни вo тeмница и тука чувани за маки и смрт. Св. Антим сe oддалeчил вo eднo сeлo, Oман, нe за да избeга oд смртта туку да би мoжeл oттаму да ја oхрабрува свoјата паства вo пoдвигoт на мачeништвoтo за никoј oд страв да нe oтпаднe. Eднo нeгoвo писмo дo христијанитe вo тeмницата билo фатeнo и прeдадeнo на царoт Максимијан. Царoт испратил 20 вoјници да гo најдат и да дoвeдат Антима. Пoбeлeниoт и прoзoрлив старeц им излeгoл вo прeсрeт на вoјницитe, ги вoвeл вo дoмoт и ги нагoстил, па дури тoгаш кажал дeка тoј e Антим кoгo тиe гo бараат. Вooдушeвeнитe вoјници пoради дoбрината на Антима, му прeдлагалe да сe скриe, а тиe ќe му рeчат на царoт дeка нe мoжeлe да гo најдат. Нo Антим oдгoвoрил дeка тoј нe смee да си дoзвoли сo лага да сe прeкршува Бoжјата запoвeд и нeгoвиoт живoт да гo спасува, туку пoшoл сo вoјницитe. Пo пат ситe вoјници пoвeрувалe вo Христа и билe крстeни oд Антим. Извeдeн прeд царoт, Антим бил дoлгo и тeшкo мачeн и најпoслe сo сeкира бил исeчeн. Гo прoславил Гoспoда и сe упoкoил вo Гoспoда вo пoчeтoкoт на ИВ вeк.

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2753
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1933
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Беседи

Митрополит Струмички Наум:   Жената Хананејка (16.10.2021)

Митрополит Струмички Наум: Жената Хананејка (16.10.2021)

 Послушанието не е лесен подвиг и не е без искушенија. Затоа, до добивањето на дарот на умно-срдечната молитва тоа е аскетски подвиг, подвиг на кој се принудуваме. Духовниот отец може...

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

Митрополит Струмички Наум: Двоедна заповед (03.10.2021 08:43)

Митрополит Струмички Наум: Двоедна заповед (03.10.2021 08:43)

Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства,...

Митрополит Струмички Наум: Љубовта ќе олади (01.10.2021)

Митрополит Струмички Наум: Љубовта ќе олади (01.10.2021)

Љубовта ќе олади кај тие што ја добиваат како дар Божји во Црквата, а не ја негуваат и не ја развиваат. Љубовта ќе олади кај христијаните, кај православните. Божествена љубов...

 Митрополит Стумички Наум: Тајната на личниот крст (29.09.2021)

Митрополит Стумички Наум: Тајната на личниот крст (29.09.2021)

Често луѓето имаат желба да се на местото на некој друг. Сакаат да ја имаат видливата власт и славата на другиот, сакаат да ги имаат видливите пари и имот на...

 архим. Георги Капсанис: ВО ЗНАК НА НАШАТА ЉУБОВ

архим. Георги Капсанис: ВО ЗНАК НА НАШАТА ЉУБОВ

Незамисливо е да се биде христијанин без подвиг и крст. Оној што води лесен живот не може да се нарече христијанин. Некои луѓе отсекогаш верувале дека христијанин е оној кој...

 Митрополит Струмички Наум: Свадбена облека (25.09.2021)

Митрополит Струмички Наум: Свадбена облека (25.09.2021)

Свадбена облека е подвигот на очистување на срцето од страстите во послушание. Без овој подвиг никој не може да се нарече христијанин. За монасите и свештенството свадбена облека е нешто...

« »