На 20. 10. 2011 год, во салата на Соборниот храм „Св. Климент Охридски” во Скопје, во четвртиот ден од циклусот филмови „Поттикот на верата од филмското платно”, беше прикажан филмот - „МАТРИЦА”. По проекцијата на филмот дискусијата ја водеше презвитер Ивица Тодоров, кој ги поврза сижето и пораката на филмот со исконската одпаднатост на човекот и современите предизвици на човекто како: потребата за покајание (првиот филм ОСТРОВО), духовниот живот кој треба да не спаси од КЛОПКА (вториот филм), спротивставувањето на светските моќници (третиот филм ЦАР) и спасувањето од структурите на злото (четвртиот филм МАТРИЦА).
Живееме во цивилизација која е изградена на страв создаден од структурите на злото. Како производ на таква ситуација се затвораме во себе или стануваме сурови. Живееме во сомнежи, водени од страсти и запаѓаме во бесмисла. Поради сето тоа живееме во илузија која во филмот ни ја создава дружината на агентот Смит, а во животот на земјава илузијата (хедонизмот) од лажгото.
Филмот не охрабрува во животниот предизвик кон што да се завртиме: кон вистината или кон илузијата (во филмот кое апче ќе го земе Нео)? За да се спасиме ние треба само мирно да му кажеме на лажгото НЕ ТИ СЕ ПЛАШАМ и да се приближиме на Тој кој што ја знае вистината затоа што и Самиот е вистина.
Оваа ситуација може да ја разбијат само христијани за кои Црквата не е декор туку заедница на слободни, активни и од Создателот возљубени оригинални личности. Само преку барањето и сознанието на вистината и смислата на постоењето можеме да излеземе од илузијата (во филмот МАТРИЦАта) и да станеме достојни за Царството Божјо. Таков човек со вера и љубов е подготвен да го понесе крстот и да се жртвува.
Подрготви: Ратислав Кардалев
Во петок(21.10.2011 од 18ч.) се прикажа филмот-„ГОСТИН“. Презентер и водител на дискусијата по филмот бeше презвитер Игор Калпаковски.
