Ве  известуваме  дека  во  Музејот  на  град  Скопје,на 26.03.о.г., свечено  ќе  се одбележи  65годишното  постоење  на  ДСУПУ “ Лазар  Личеноски “  Сkопје.
Училиштето е формирано  на  1.12.1944г. со одлука на АСНОМ. На 5.02.1945 со свечена церемонија  започна  со  настава  тогашната  Художествена школа  во  Скопје, денес  уметничко  училиште”  Лазар  Личеноски”.
По  тој  повод  на  денот  на  патрониот  празник  на  училиштето,26.03,ќе  биде  отворена  ретроспективна  изложба  со  дела  од  сите  професори  кои  биле  и  се  дел  од  училиштето , од 1945  до 2010.   Делата се  на  осумдесетина  еминентни  македонски  уметници,професори, втемелувачи  и  амбасадори  на  ликовната  култура  на  нашата  земја.
На  свечената  седница  во  19 :00 часот, ќе биде  промовирана  монографијата  за  училиштето, а по тој  повод  пригодно  обраќање  ќе  има  Министерот  за образование  и наука, г-дин  Никола  Тодоров. До  присутните  ќе  се  обрати  и  академскиот  сликар  проф.м-р  Владимир  Георгиевски.
Изложбата  ќе  биде отворена во 20: 00 часот  од   Г-ѓа  Елизабета  Канческа- Милеска, Министер за култура  на  Република  Македонија.
Скопје,23.03.2010                                                      ДСУПУ “ Лазар  Личеноски