Скопје,21ви јули 2023 год.-храм на Рождество на Пресвета Богородица
На 21.07.2023 година, во нашата света, соборна и апостолска Цркви се прослави споменот на :
св. Прокопиј Кесариски;
преп.Теофил Мироточив
На 21.07.2023година,во шестата неделата по Педесетница, кога МПЦ-ОА молитвено го прослави споменот на св. Прокопиј Кесариски; преп.Теофил Мироточив,во храмот Рождество на Пресвета Богородица, во Скопје, ереј Спасе Таковски во сослужение на ѓаконот Благоја Ристевски , отслужи Божествена Литургија. Верниот народ се причести со Светите Христови Тајни.
По Литургијата, и во оваа седмица се направи мал петочет водосвет, а молитви кон Бог и благослов за верниот нарот упати ереј Ангел Сердарски.
Преминпортал (к.т)
Преподобен Теофил Мироточив
21 јули/8 јули (по стар стил)
Родум од Македонија, од селото Зики. Многу учен човек и голем подвижник. Цариградскиот патријарх Нифонт му порача да отпатува во Александрија и да испита дали е вистина дека патријархот Јоаким поместил гора и испил отров без да му наштети. Кога се увери во вистинитоста на овие чуда, Теофил се врати на Света Гора, каде што се подвизуваше најпрво во Ватопед, па во Ивирон и најпосле во ќелијата на Свети Василиј близу Кареја. Овој свет човек ја одби понудата да го прими солунското архиепископство. Со длабоко безмолвие, богомислие и срдечна молитва, успеа да си го очисти умот од сите страсни помисли, па стана чист сад на Светиот Дух и во него живееше Христос. Пред смртта му нареди на својот ученик Исаак кога ќе умре да не го погребува, туку да го врзе со јаже за нозете, да го одвлечка и да го фрли во потокот. Со голем страв ученикот така и направи. Но, Божјата Промисла ги откри моштите на свети Теофил и кога ги пренесоа во ќелијата, почнаа да точат чудотворно миро. Се упокои на 8 јули 1548 година.
Тропар на преподобниот отец
Теофил мироточив
21 јули/8 јули (по стар стил )
Тебе, на кого Господ Исус ти беше живот и дишење,
ти кој не живееше туку Христос во тебе ги вршеше чудесата,
Теофиле свети, денес чест и поклонение ти воздаваме,
како на возљубен од Бога песнопеења ти плетиме,
и молиме за твое застапништво пред Него,
о возљубен мироточив оче наш преподобен.
Мал петочен водосвет:
„За да се освети оваа вода со силата, дејството и слегувањето на Светиот Дух...“
„Современ светител, кој бил лекар-хирург, професор на медицина и епископ во Крим, имајќи искуство во телесната и во духовната медицина, ни препорачува: „Пијте почесто света вода. Таа е најефикасен лек. Не ви го велам ова само како свештеник, туку и како лекар. Од моето долгогодишно искуство во медицината“ (Свети Лука Кримски +1961 год.).“
Света вода - во што е нејзината сила?
24ти јули 2020 лето Господово
Преминпортал (к.т.)
