На празникот Собор на свети Јован Крстител, во истоимената манастирска црква   во Скопје, Архиепископот Охридски и Македонски  г.г. Стефан во сослужение на Митрополит Повардарски г. Агатангел, и Митрополит Брегалнички г. Иларион, отслужи Божествена Литургија.

„Денешниов празник, посочи поглаварот на Македонската православна црква, светата Црква го востановила според практиката во попразненството на големите празници и настани да ги чествува и самите учесници во настанот.

- Свети Јован е светител со најмногу чествувања во календарот на Православната Црква. Дури седум празници се во негова чест: зачнувањето, раѓањето, отсекувањето на главата, па првото и второто, како и третото наоѓање на главата, пренесувањето на неговата рака од Севастија во Антиохија и денешниов Собор на Свети Јован. Исто така и секој вторник во седмицата му е посветен нему, додаде Архиепископот Охридски и Македонски г.г.Стефан.“

Во текот на Литургијата, поглаварот на МПЦ г.г.Стефан го ракоположи во ѓаконски чин професорот на Богословијата г-дин Јован Кумевски. 

На Литургијата ,многубројниот верен народ се причести со Светите Христови Тајни.

Посети: {moshits}