логоFacebookTwitterYouTubeeMail

19042009

Чедата на овој свет може да се споредат со пченицата, која истурена во решетото се просејува помеѓу светските непостојани помисли. Тие се налик на непрестајното бранување на земните нешта и желби, и на многу испреплетени овосветски поими. Сатаната ги растресува душите и со своето решето, односно преку  земните дела, го просејува целиот грешен човечки род. Од времето на паѓањето во грев, кога Адам ја престапил Божјата заповед и му се потчинил на лукавиот кнез, кој придобил власт над него, тој со постојани измами и со побркани помисли ги сее синовите на овој свет и ги доведува до судири во своето земно решето.

Како што пченицата во решетото бива непрестајно исфрлувана и доведувана до судири и преобраќања, така и кнезот на лукавството ги опфаќа сите луѓе со земните нешта, ги доведува до немир и загриженост, ги тера да се зафаќаат со суетни помисли, со гнасни желби, со земни и светски поврзувања, и на тој начин постојано ги заробува, збркува и лесно го лови целиот грешен Адамов род. И Господ им претскажал на Своите апостоли дека ќе бидат напаѓани од лукавиот, велејќи: „Ете, сатаната посака да ве сее како пченица, но Јас се молев за да не се намали верата ваша“ (Лука 22, 31-32). Зошто овие зборови и оние кои Бог му ги рекол на Каин: „Кога ќе ја обработуваш земјата, таа нема повеќе да ти ја дава својата сила; ќе бидеш изгнаник и скитник по земјата!“ (1. Мој. 4, 12), служат како образ и подобие за сите грешници ? Затоа што Адамовиот род, откако ја престапи заповедта и стана грешен, го примил ова подобие тајно на себеси. Луѓето биваат доведувани во колебливост заради постојаниот страв, заради збунетост и желби, како и заради разни многубројни задоволства. Кнезот на овој свет ја бранува секоја душа која не е родена од Бога и слично на пченицата во решето, на најразлични начини ги вознемирува човечките помисли и сите ги доведува во колебливост и ги лови преку измамите од овој свет, преку телесни задоволства, стравување и збунетост.

Господ, посочувајќи дека оние што ги слушаат лагите и желбите на лукавиот, го носат врз себеси подобието на Каиновото лукавство, рекол изобличувајќи ги: „Вашиот татко е ѓаволот; вие сакате да ги исполнивате неговите желби; тој е човекоубиец од почетокот и не стои во вистината“ (Јован 8, 44). Затоа, целиот грешен Адамов род ја носи на себе оваа пресуда: ќе се тресете, ќе стенкате и ќе бидете вознемирувани на земјата од сатаната во решетото што постојано ве сее. Како што од едниот Адам се умножил на земјата целиот човечки род, така и една иста страсна нечистотија проникнала во сите човечки битија, а кнезот на злобата е во состојба непрестајно да ве сее со непостојани, суетни и разбранувани помисли.

И како што еден единствен ветар може да ги расклати и раздвижи сите дрвја и сите растенија; и како што една ноќна темнина се шири низ целата вселена, така и кнезот на лукавството, кој е духовниот мрак на гревот и на смртта, со некаков таинствен и силен ветар го бранува и потресува целиот човечки род на земјата со непостојани мисли и светски желби. Ги исполнува човечките срца со темнината на незнаењето, со слепило и со заборавност. Ја уловува секоја душа која не е родена одозгора и која со мислите и со умот сѐ уште не се преселила во другиот живот. Апостол Павле вели: „Нашето живеалиште е на небесата, од каде што Го очекуваме и Спасителот, нашиот Господ Исус Христос“ (Филип. 3, 20).

Св. Макариј Велики

 

https://www.tiveriopol.mk/posledica-na-padot-e-golemata-zbunetost-koja-vladee-vo-svetot/?fbclid=IwAR2zwJ_RvgHA3aoDFg6lvVSTw3nayJ3yKknEUYFOrnEMDHPB0RdloQJDefE

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3121
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2452
3.angeli.so.truba
Неговите слова зрачат со силна нагласеност на светиклиментовиот образец и претставуваат…