логоFacebookTwitterYouTubeeMail

Последиците од падот на Адам


Адам бил создаден чист за да Му служи на Бога, а сите созданија биле дадени за нему да му служат, зашто бил поставен за господар и за цар над сѐ што создал Господ. Но штом се доближил до него лукавиот демон и поразговарал со него (Адам во почетокот го примил само со својот надворешен слух), тој веднаш навлегол и во неговото срце и го опфатил целото негово битие. На тој начин, по неговото заробување, заедно со него биле заробени и сите негови созданија, кои му биле послушни и кои му служеле. Преку него смртта се зацарила над секоја душа. И поради тоа, поради неговата непослушност, се изменил Адамовиот лик, така што потоа се измениле и сите луѓе, па почнале да им се поклонуваат на демоните. Почнале и земните плодови, создадени толку прекрасни од Бога, да им ги принесуваат на демоните. На нивните жртвеници им принесувале леб, вино, елеј и животни. Па дури и своите синови и ќерки ним им ги жртвувале.

По Адамовиот грев, душевните помисли, одвоени од Божјата љубов, се расеале по овој свет и се измешале со земните помисли. Веднаш по прекршувањето на Божјата заповед, Адам го примил во себе квасецот на опасните страсти, така што и оние кои се родиле од него, и целото негово потомство, по наследство го добиле овој квасец на злото, а потоа постепеното во луѓето се умножувале гревовните страсти, така што прераснале во прељубодејствија, изопачености, идолатрии, убиства и други одвратни дела, сѐ додека целото човештво не скиснало во порокот. Злото во луѓето пораснало толку многу, што помислиле дека нема Бог и почнале да им се поклонуваат и на мртвите камења, а дури не биле способни ниту да имаат поим за Бога. До толкав степен квасецот на опасните страсти се умножил во родот на првородениот Адам.

Откако се оддалечил од заповедта и се потчинил на гневното осудување, човекот бил заробен од гревот, што како некоја бездна на горчина, прозрачна и длабока, навлегла во него и завладеала и со најскришните пори на неговата душа. Затоа, и душата и гревот што навлегол во неа, ги споредуваме со огромно дрво, кое има многу гранки и корења во длабочината на земјата. Така и гревот, кој навлегол во душата и завладеал со нејзините длабочини, се претворил во навика и предрасуда, па уште од самото детство во секого расте, се развива и го учи на она што е зло.

Св. Макариј Велики

 

https://www.tiveriopol.mk/posledicite-od-padot-na-adam/?fbclid=IwAR26LWBJoeMoBMVPZAwjCTKPEiJrIGX3md0aa_kyCUuDE5KwIrju43cLlNU

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3121
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2452
3.angeli.so.truba
Неговите слова зрачат со силна нагласеност на светиклиментовиот образец и претставуваат…